Tá go leor oibre ar siúl ag rang a 3 faoi conas a bheith go deas lena chéile agus conas déileáil leis má bhíonn aon deacrachtaí againn le daoine eile. An tseachtain seo, d’oibríomar i mbeirteanna agus i ngrúpaí beaga. Léigh gach grúpa fadhb amháin amach agus ansin léirigh siad réiteach na faidhbe go drámatúil don rang. D’fhoghlaimíomar go leor as agus bhí an-chraic againn ag an am céanna:

Is traidisiún é sa scoil s’againne go ngléasann muid (páistí agus múinteoirí!) inár gcuid éadaí codlata ar an lá is giorra den bhliain – Grianstad an Gheimhridh! Tháinig muid le chéile chun cúpla amhrán séasúrach a chasadh. Freisin, bhailigh muid airgead don charthanacht áitiúl Galway Simon Community. Is údar bróid dúinn a rá gur bhailigh muid €375 i mbliana! Maith sibh gach duine agus bainigí sult as na laethanta saoire!

[media id=87]

Tháinig an Coiste Buí, Múinteoir Lucia agus Múinteoir Fiona ar cuairt chuig an rang maidin inniu chun leabhar ó thíortha eile a thaispeáint do na gasúir. Bhain na gasúir an-taitneamh as mar d’fhoghlaim siad go raibh difríocht mhór idir an chaoi go scríobhann muid leabhair anseo in Éirinn agus ar fud an domhain. Chomh maith leis sin d’fhoghlaim siad nach léitear leabhar ar fud an domhain an chaoi céanna is go léann muid iad anseo. Chomh maith leis sin léigh Meisha alt as an leabhar Rúiseach a thug sé féin isteach dúinn chun breathnú uirthi. Is buachaill beag ón Rúis é Meisha agus tá sé líofa i Rúisís.

Thug muid cuairt ar an Mainistir i mBaile Locha Riach inné. Bhuail muid leis an Athair Liam Ó Móráin. Tugadh ar thuras timpeall na mainistreach muid. Thaitin an sean-mhainistir (a tógadh thart ar 1300 AD) linn agus an leabharlann sa mhainistir nua (a tógadh i 1645).

Seo níos mó pictiúir a ghlacamar: sean leabhair, leabhar sa tseanchló Gaelach, Mary Poppins i Spáinnis agus leabhar faoi Íosa i dteanga nár aithin muid.

Roinnt seachtainí ó shin bhí lá mór againn sa scoil áit go ndearna muid ceiliúradh ar na scileanna  éagsúla atá againn ar fad. Seo roinnt pictiúir ón lá sin. Bhain muid an-taitneamh as a bheith ag  éisteacht le daoine ag seinm ceoil, ag breathnú ar dhaoine ag déanamh cúpla céim damhsa gaelacha agus sean-nós dúinn. Fiú d’fhéach muid ar roinnt daoine ag imirt leadóg, rugbaí, sacar , camógaíochta agus iománaíocht.

Chuaigh muid go Baile Átha Cliath le déanaí chun an Brat Buí a ghlacadh ar son na scoile – seo físeán a rinne muid ag an ócáid bronnta.

[media id=73]

Lé déanaí thaistil grúpa scoile go Baile Átha Cliath, áit ar bronnadh an dara Bhrat Buí ar Ghaelscoil Riabhach. Ní muid ach an dara scoil sa tír atá i ndiaidh dhá bhrat a fháil gan briseadh agus tá muid mar cheannródaí i measc ghaelscoileanna na tíre. Sa phictiúir thíos tá sibh in ann ár seastán scoile ag an ócáid bronnta a fheiceáil agus ár ngrúpa leis an mbrat, in éindí le Tura Artura ó Bhéal Feirste  agus Dil Wickremasinghe a bhí mar láithreoirí ar an lá. Ar chúl an phictiúir in eindí le Múinteoir Pól tá Paula Madden, comhordaitheoir an Bhrait Buí.

Tá cabhair uainn. An bhfuil d’áit chónaithe ar an léarscáil seo? Mura bhfuil an bhféadfá teachtaireacht a scríobh thíos.