Thosaigh muid togra beag i mí Eanáir seo caite agus tá muid díreach tar éis é a chríochnú. Chuaigh muid ar siúlóid síos in aice leis an loch. Ghlac muid roinnt pictiúir agus ansin rinne muid an siúlóid céanna agus ghlac muid na bpictiúir céanna i mí Bealtaine. D’oibrigh muid i grúpaí ansin chun na cosúlachtaí agus na codarsnachtaí a aithint agus a chur in iúl.

Ar an Aoine seo caite, rinne rang a trí (agus cúigear as rang a haon) neart staidiúr i mbeirteanna sa cheacht ióga. Chabhraigh sé seo linn comhoibriú lena chéile agus tacaíocht a thabhairt dá chéile:

Chuaigh rang a 3 chuig an bpáirc ar an Aoine. Bhí picnic dheas againn agus bhí an-am againn ag súgradh sa pháirc spraoi. Thuill rang a 3 é seo mar gheall ar an iarracht mhór a rinne siad leis an nGaeilge le tamall anuas. Maith sibh rang a 3. Gaeilge abú!:

Tháinig beirt iar-scoláirí chun labhairt linn maidir le cursaí eolaíochta agus a gcuid tograí don comórtas Channelle. Bhí an beirt acu roghnaithe don gearr liosta i mbliana. D’fhoghlaimid go leor maidir le bia madraí agus comh dáiríre is atá fadhbanna málaí scoile troime. Bhí neart ceisteanna ag na gasúir maidir le saol sa mheánscoil fresin. Go riabh míle maith agaibh Caron agus Laura!

Bhí an aimsir ar fheabhas arís inniu agus muid ag tabhairt faoi lá a 2 don tseachtain spóirt. Chuir muid tús leis an lá le Zumba agus ansin rinne muid 10@10. Théis am lóin beag bhí an t-ádh linn gur bhuail tuismitheoir isteach agus go ndearna sí lúthchleasaíocht linn. Tá muid an bhuíoch d’Andrea a tháinig isteach chun an lúthchleasaíocht a dhéanamh linn inniu. Théis am lóin mór thug muid ár naghaidh suas ar an bpáirc peile le rang 2 áit ar thug muid faoi cluiche corr a imirt den chéad uair. Bhí an-lá againn.

Bhí lá an-spórtúil againn inné ar scoil. Bhí an t-ádh linn go raibh an aimsir go hálainn. Thosaigh muid amach an lá le Zumba ar maidin ansin rinne muid 10@10. Théis am lóin beag tháinig grúpa páistí ó rang 5/6 chugainn chun Dioscó Pogo a mhúineadh dúinn. Ansin thug muid ár naghaidh síos chuig an loch le rang 2 áit ar rith míle leo. Théis am lóin mór ansin bhí íoga againn le múinteoir Maria. Tá muid thar a bheith buíoch do chuile duine a chabhraigh linn inné agus muid ag baint taitneamh as an lá iontach a bhí againn.

Bhí an-seachtain againn anseo i nGaelscoil Riabhach agus d’éirigh thar cionn le hAíonna Aibreáin i mbliana. Eagraíonn an coiste gaelbhrataí Aíonna Aibreáin gach bliain i nGaelscoil Riabhach chun an teanga a cheiliúradh agus tá sé ag dul ó neart go neart. Bíonn seans ag daltaí na scoile buaileadh le daoine suimiúla i bpobal na nGael.

Tháinig an ceoltóir, foilsitheoir agus scríbhneoir Tadhg Mac Dhonnagáin ar cuairt chugainn agus bhain rang a trí agus rang a ceathair an-tairbhe agus an-taitneamh as an gcuairt. Labhair sé faoin obair éagsúl a bhíonn ar bun aige: ag scríobh do chláracha teilifíse agus scannáin, ag scríobh leabhar, ag foilsiú leabhar agus ag cumadh ceol. Ní hamháin sin ach léigh sé a leabhar ‘Oisín’ dúinn agus labhair sé faoin bpróiséas scríbhneoireachta. Freisin, labhair sé faoina chomhlacht foilsitheoireachta Futa Fata (www.futafata.ie). Is féidir leabhair Ghaeilge éagsúla d’ard-chaighdeán a ordú ón suíomh idirlíne seo: www.futafata.ie. B’álainn an deis dúinn buaileadh leis:

Sampla de na leabhair á fhoilsiú ag Futa Fata. Foilsítear leabhair Ghaeilge d’ard-chaighdeán ann.

     D’imríomar cluiche spraíúil ag an deireadh.

 Aistríodh leabhair Futa Fata go neart teangacha eile. Bhí an-chraic againn ag déanamh tomhas faoi theangacha na leabhar.

Tadhg le cuid den choiste gaelbhrataí.

Is féidir leabhair Ghaeilge éagsúla a ordú ón suíomh idirlíne seo: www.futafata.ie

Bíonn ‘dúshlán na seachtaine’ againn sa rang. Tamall ó shin bhí orthu ‘an túr is airde gur féidir déanamh le cúig billeoga pháipéara’ a cruthú. Ní bhfuair said aon treoracha eile agus ní raibh chead acu aon rud eile a úsáid (mar shampla gliú). D’eirigh rudaí thar a bheith comórtasach agus chruth siad túranna an arda ar fad!

Tháinig Clodagh Thorisson ar cuairt chuig Gaelscoil Riabhach inniu mar chuid d’Aíonna Aibreáin (eagraithe ag an gcoiste gaelbhrataí). Is saineolaí cothúcháin í Clodagh. Bhí rang a 3 an-tógtha léi. Labhair Clodagh faoi bhia folláin agus faoi bhia mí-fholláin. Labhair sí faoin gcóras díleá agus an méid a tharlaíonn don bhia nuair a ithimid é. Chuir na daltaí neart ceisteanna uirthi agus d’fhoghlaim siad go leor uaithi. Ansin, le cabhair ó na daltaí, chruthaigh Clodagh smúdaithe éagsúla. Bhí siad thar a bheith blasta agus sláintiúil!

Na comhábhair

Ghearr na daltaí na torthaí roimh ré.

Gach bhliain, eagraíonn an coiste gaelbhrataí ‘Aíonna Aibreáin.’ Tagann cuairteoirí a bhfuil Gaeilge acu ar cuairt chun na scoile agus labhraíonn siad faoina bpoist, a gcaitheamh aimsirí, a spéiseanna agus ar ndóigh, a gcaidrimh leis an nGaeilge. Tháinig Micheál Ó Ciaraidh ar cuairt chugainn inniu agus nach orainn a bhí an t-ádh! Is láithreoir teilifíse é Micheál ar Cúla 4 agus bhí sé ina amasadóir Ghaeilge do Sheachtain na Gaeilge i mbliana. Bhí an-am ag rang a 5 agus a 6 leis agus is cinnte gur spreag an fear spleodrach, fuinneamhach, lách seo na daltaí:

Táimid ag súil go mór le buaileadh le go leor aíonna ionspioráideacha eile roimh dheireadh na míosa. Beidh an saineolaí cothúcháin (agus iar-láithreoir Chúla 4), Clodagh Thorisson, ag teacht ar cuairt chugainn amárach. Beidh iar-scoláirí Ghaelscoil Riabhach, Eva De Priondragás, Caron Ní Riain, Laura Ní Dhúill agus Amy Ní Chinnéide linn ar an gCéadaoin agus ar an Déardaoin. Beidh an ceoltóir, foilsitheoir agus scríbhneoir Tadhg Mac Dhonnagáin ag buaileadh isteach ar an Aoine. Táimid ag súil go mór le seachtain den scoth!